اسمي سراء…

صاحبة هالمشروع الفخم.. اخصائية تغذية سريرية.. بدأ شغفي بالتغذية من لما كنت بالمدرسة، كان عندي وزن زائد و قدرت اتخلص من أربعة عشر كيلو عن طريق اخصائية تغذية.. هون اتاكدت انه هالعلم عملي و قابل للتطبيق والحصول على نتائج، واخترته بالجامعة ليكون تخصصي و مستقبلي.. اشتغلت بالمنتجات الغذائية ومنتجات الحساسيات و مرضى التوحد ثمان سنوات.. بعدها اقترح علي زوجي الله يرحمه ابلش مشروعي.. كان متشخص جديد بنوع سرطان نادر بصيب واحد بالمئة من الاطفال وبرضه نادر يصيب الكبار.. قررنا هالمشروع يكون بشغفي ويكون اله علاقة بتجربتنا ورسالتنا.. بلشت 2017.. ومن وقتها وأنا أسيرة هذا الحلم وماشية على خطى تحقيق كل ما هو مفيد في هذا العلم.. عيش عمره اربع سنين بس جواتي بكبر كتير اسرع… بحبه لانه شغفي ولاني بحب العلم، وبحب الاستقلالية والقيادية.. وما كانت رح ابلور هالحب الا من هالمشروع الكتكوت.. في كتير جنود مجهولين بهالمشروع من صبايا و طهاة وسائقين.. واهم جندي يحيى..! اللي صابر ع ماما وهي بتقضي وقت طويل بالشغل.. بحب اشكرهم واشركم كلكم لانكم اهلي وناسي ومأمنين برسالتي وانه جسمكم بستحق يقضي عمره الافتراضي وهو سليم معافى.. دائما اتذكروا انكم بتقدروا.. وانه الدنيا حلوة.. ولا تخلوا الابتسامة تفارقكم.. واذا بدكم اي اشي تغذوي ف عيش بيتكم ومطرحكم.

نحن فريق آمن بالعلم وبوجوب المحافظة على الجسد ووقايته من السمنة والامراض تباعاً، بدأنا 2017 كمتجر الكتروني لبيع المنتجات الغذائية الصحية وكمنصة لدعم العلم ونشره، تطورت الرؤى لتوسيع الخدمات لتشمل كل ما هو مفيد في عالم التغذية والحميات، فأنشأنا العيادة التغذوية سنة 2022 لتتكامل الخدمة المقدمة لكم، فبالعيادة التغذوية أنت على بعد خطوات من الوصول الى هدفك الصحي بالوقاية والتشافي من الامراض، وبالوصول للوزن الصحي الذي هو من اهم ركائز الصحة.

الى جانب هذا، قمنا بتطوير وسائل نشر العلم ، والذي هو الرسالة الاساسية لعيش، فقمنا بانشاء قناة يوتيوب و بودكاست على جميع القنوات الى جانب تواجدنا الاساسي على وسائل التواصل الاجتماعية كافة انتهائاً بالموقع الشبكي الالكتروني هذا.